Fréttasafn

Laugardaginn 11. júní kl. 15:30 verður listamannaspjall með Gústav Geir Bollasyni um sýningu hans Sandtímasálmur um fölnandi jarðarblóm, sem var opnuð fimmtudaginn 2. júní síðastliðinn. Stjórnandi er Hlynur Hallsson, safnstjóri Listasafnsins.

Síðustu sýningunni í listvinnustofuröðinni Allt til enda lýkur næstkomandi sunnudag. Þar má sjá verk barna úr 3.-6. bekk sem þau unnu undir handleiðslu Sigurbjargar Stefánsdóttur skipa.

Fimmtudaginn 2. júní kl. 20 verða þrjár sýningar opnaðar í Listasafninu á Akureyri: Gústav Geir Bollason – Sandtímasálmur um fölnandi jarðarblóm, Auður Lóa Guðnadóttir – Forvera og ljósmyndasamsýningin Svarthvítt. Boðið verður upp á listamannaspjall um Svarthvítt kl. 21 og er stjórnandi Hlynur Hallsson, safnstjóri Listasafnsins. Fjölskylduleiðsögn um Svarthvítt og Forveru, sunnudaginn 5. júní kl. 11-12.

Sunnudaginn 5. júní kl. 11-12 verður fjölskylduleiðsögn í Listasafninu. Heiða Björk Vilhjálmsdóttir, fræðslufulltrúi, segir börnum og fullorðnum frá ljósmyndasamsýningunni, Svarthvítt, og sýningu Auðar Lóu Guðnadóttur, Forvera.

Alþjóðlegu samsýningunni Nánd lýkur næstkomandi sunnudag 22. maí. Af því tilefni verður boðið upp á listamannaspjall með einum af listamönnum sýningarinnar, Birgi Snæbirni Birgissyni, kl. 15 síðasta sýningardaginn. Þar mun Hlynur Hallsson, safnstjóri, ræða við Birgi um sýninguna og einstaka verk.

Alþjóðlegi safnadagurinn er haldinn hátíðlegur 18. maí ár hvert, en Alþjóðaráð safna, ICOM, hefur staðið fyrir safnadeginum síðan 1977. Á ári hverju velur ICOM deginum yfirskrift er tengist málefnum sem eru í brennipunkti í samfélaginu og er að þessu sinni „Mikill er máttur safna“. Í tilefni dagsins verður ókeypis inn á Listasafnið og boðið upp á leiðsögn kl. 15 um alþjóðlegu samsýninguna Nánd.

Fimmtudaginn 12. maí kl. 12-12.30 verður boðið upp á hádegisleiðsögn um sýningu Heklu Bjartar Helgadóttur, Villiljóð. Þar mun Guðrún Pálína Guðmundsdóttiry, fræðslufulltrúi, ræða við Heklu um sýninguna og einstaka verk.

Þriðja og síðasta listvinnustofan undir yfirskriftinni Allt til enda verður haldin 14.-15. maí næstkomandi. Að þessu sinni er börnum í 1.-4. bekk boðin þátttaka í listvinnustofu með hönnunarteyminu Þykjó, sem þær Ninna Þórarinsdóttir, barnamenningarhönnuður, og Sigurbjörg Stefánsdóttir, fatahönnuður og klæðskeri, skipa. Sem fyrr er ekkert þátttökugjald, en skráning nauðsynleg á heida@listak.is. Allt til enda er samstarfsverkefni Listasafnsins á Akureyri, Akureyrarbæjar og Barnamenningarsjóðs Íslands.

Laugardaginn 7. maí kl. 15 verða tvær sýningar opnaðar í Listasafninu á Akureyri: Nemendasýning Myndlistaskólans á Akureyri, Sjónmennt 2022, og útskriftarsýning nemenda listnáms- og hönnunarbrautar VMA, Spurningarmerki.

Laugardaginn 30. apríl kl. 17 fara fram í sal 10 tónleikar til heiðurs ítalska kvikmyndatónskáldsins, Ennio Morricone. Þar flytja þau Daniele Basini, Jón Þorsteinn Reynisson og Steinunn Arnbjörg Stefánsdóttir tónlist Morricone í útsetningum Basini og má þar m.a. heyra tónlist úr Nuovo Cinema Paradiso, Once Upon a Time in America og nokkrum góðum spaghettí-vestrum. Myndskeiðum úr bíómyndum Sergios Leone og Giuseppes Tornatore verður varpað á meðan á tónleikunum stendur.