Listasafnið á Akureyri

Árbók 2025

Árbók Listasafnsins er fáanleg í anddyri Listasafnsins og á völdum stöðum á Akureyri án endurgjalds. Hún skartar fjórum mismunandi forsíðum eftir listafólkið Heimi Hlöðversson, Barbara Long, Ými Gröndvold og listahópinn Femina Fabula.
HÉR má sjá árbókina.
Árskort

Gestum Listasafnsins býðst að kaupa árskort á afar hagstæðu verði eða á aðeins 5.500 krónur. Með kortinu getur fólk þá heimsótt safnið eins oft og það lystir í heilt ár frá og með kaupdegi. Árskortið er til sölu í anddyri Listasafnsins á opnunartíma alla daga kl. 12-17. Lesa meira.
Gestavinnustofur

Opið er fyrir umsóknir um dvöl í nýjum gestavinnustofum í Listasafninu. Úthlutunarnefnd fer yfir umsóknirnar og verða umsækjendur látnir vita innan mánaðar. Gestalistamenn sem verða valdir hafa viku til þess að samþykkja boðið og aðra viku til þess að greiða staðfestingagjald. Lesa meira.

Instagram

Opnun á Akureyrarvöku

Á Akureyrarvöku, laugardaginn 30. ágúst, kl. 15 verða þrjár sýningar opnaðar í Listasafninu á Akureyri: James Merry – Nodens, Sulis & Taranis, Ýmir Grönvold – Milli fjalls og fjöru og Valin verk fyrir sköpun og fræðslu – Margskonar II. Á opnun verður boðið upp á listamannaspjall með Ými Grönvold og leiðsögn með James Merry. Dagskrá dagsins lýkur með tónleikum Bjarna Bragasonar og Helgu Daggar Jónsdóttur kl. 18 í sal 11, þar sem þau flytja íslenskar dægurlagaperlur. Í tilefni Akureyrarvöku verður Listasafnið opið til kl. 22. Enginn aðgangseyrir.
Kateřina Blahutová frumsýnir ljósverk á föstudagskvöldið

Föstudagskvöldið 29. ágúst kl. 20.30 verður ljósverkið Brot eftir tékknesku listakonuna Kateřina Blahutová frumsýnt á svölum Listasafnsins. Hægt verður að berja verkið augum til kl. 02 og svo aftur á laugardagskvöldinu kl. 20.30-02.
Fjölskylduleiðsögn á sunnudaginn

Sunnudaginn 24. ágúst kl. 11-12 mun Heiða Björk Vilhjálmsdóttir, verkefnastjóri fræðslu og miðlunar, segja börnum og fullorðnum frá sýningu Margrétar Jónsdóttur, Kimarek - Keramik, og samsýningu norðlenskra listamanna, Mitt rými.