Fréttasafn

Kristján Guðmundsson, myndlistarmaður, var jarðsettur þann 8. desember sl. Það var okkur, starfsfólki Listasafnsins á Akureyri, sérstakur heiður að fá að vinna með Kristjáni fyrr á þessu ári en hann var einn þeirra sem hófu sýningarárið 2025 með sýningu sinni Átta ætingar. Sýningin samanstóð af átta verkum sem urðu til innan togstreitunnar milli einskis og einhvers og bera einkenni abstrakt- og hugmyndalistar, sem var einkennandi í listsköpun Kristjáns.

Laugardaginn 13. desember kl. 11 mun Hrafnhildur Reykjalín, frá Sjálfsrækt Heilsumiðstöð, bjóða upp á stutta fræðslu fyrir fullorðna um Jóga Nidra, djúpslökunaraðferðina sem allir geta ástundað til þess að auka jafnvægi og vellíðan á líkama og sál. Í framhaldinu leiðir Hrafnhildur stutta Jóga Nidra hugleiðslu.

Laugardaginn 13. desember kl. 15 munu sýningarstjórarnir Sigríður Örvarsdóttir og Magnús Helgason leiða gesti um sýninguna Lífsins gangur og segja frá ferli listamannsins Óla G. Jóhannssonar (1945–2011), sem hefði orðið áttræður þann sama dag. Aðgangur er innifalinn í miðaverði Listasafnsins.

Á aðventunni býður Listasafnið á Akureyri safngestum að næra andann og hlúa að því sem innra býr.

Síðasta TÓLF TÓNA KORTÉR ársins fer fram laugardaginn 6. desember kl. 15 og 16. Jón Þorsteinn Reynisson mun í aðventuhúminu, fyrir milligöngu harmoniku sinnar, leiða okkur um tónlistarheim Sofiu Gubaidulinu. Hún er eitt mesta tónskáld harmonikutónlistar fyrr og síðar. Aðgangur er ókeypis, aðgengi gott og öll velkomin!

Fimmtudagskvöldið 27. nóvember kl. 20 verða tvær sýningar opnaðar í Listasafninu á Akureyri: Samsýningin Viðbragð og sýning á teikningum og skissum Jóhannesar Sveinssonar Kjarvals, Undir berum himni. Fimmtán íslenskir og erlendir listamenn taka þátt í samsýningunni, þar á meðal fiðluleikarinn og tónskáldið Laura Ortman sem mun einnig fremja gjörning á opnuninni kl. 20.40.

Fimmtudagskvöldið 27. nóvember kl. 20 verða tvær sýningar opnaðar í Listasafninu á Akureyri: Samsýningin Viðbragð og sýning á teikningum og skissum Jóhannesar Sveinssonar Kjarvals, Undir berum himni. Í tengslum við fyrrnefndu sýninguna fremur bandaríska listakonan Laura Ortman gjörning kl. 20.40.

Sunnudaginn 23. nóvember kl. 11-12 mun Heiða Björk Vilhjálmsdóttir, verkefnastjóri fræðslu og miðlunar, segja börnum og fullorðnum frá verkum Óla G. Jóhannssonar, á sýningunni Lífsins gangur. Að lokinni leiðsögn er gestum boðið að búa til sitt eigið listaverk, innblásið af verkum sýningarinnar.

Annað Tólf tóna kortér vetrarins fer fram í Listasafninu næstkomandi laugardag, 8. nóvember, kl. 15 og 16. Þá mun tónlistarfólkið Marteinn J. Ingvarsson Lazarz og Sophia Fedorovych frumflytja tónverkið LEÇON DE TÉNÈBRES – MYRKRALESTUR, harmljóð fyrir tvær fiðlur og þrjá hluti eftir Steinunni Arnbjörgu Stefánsdóttur. Aðgangur er ókeypis. Tólf tóna kortérið er samstarfsverkefni Listasafnsins á Akureyri, Sóknaráætlunar Norðurlands Eystra, Akureyrarbæjar og Menningarsjóðs FÍH.

Þriðjudaginn 4. nóvember kl. 16.15 heldur Ragnheiður Björk Þórsdóttir, textíllistamaður, síðasta Þriðjudagsfyrirlestur ársins undir yfirskriftinni Að byggja stafræna textílbrú milli fortíðar og framtíðar. Aðgangur er ókeypis.