Fréttasafn

Laugardaginn 28. febrúar kl. 15 verður opnuð í vestursal Listasafnsins á Akureyri sýning Arnars Ómarssonar, MSSS.

Í dag, föstudaginn 27. febrúar, verður þriðja opnun bókverksins og samstarfsins SALT VATN SKÆRI í Listagilinu, Kaupvangsstræti 23. Húsið opnar klukkan 20.00 og verður opið til 23.30. Fluttur verður annar hluti, VATN, og gefst gestum kostur á að vera viðstaddir frumsýningu á nýu verki sem aðeins er sýnt þessa einu helgi.

Í dag, fimmtudaginn 26. febrúar, kl. 15-17 lýkur sýningu Lárusar H. List, Álfareiðin, í vestursalnum með lokunarteiti. Þar með gefst gestum og gangandi tækifæri til þess að spjalla við listamanninn um sýninguna og bakgrunn hennar. Samskipti manna við álfa og huldufólk eru Lárusi hugleikin á sýningunni. Huldufólk býr í klettum eða steinum og iðkar búskap sinn líkt og mennirnir. Háskalegt er jafnan að styggja álfa en sé þeim gerður greiði eru ríkuleg laun vís.

Framundan eru síðustu dagar sýningar Rósu Sigrúnar Jónsdóttur, Svelgir, sem staðið hefur í Listasafninu, Ketilhúsi undanfarnar vikur en henni lýkur næstkomandi sunnudag, 1. mars.

Þriðjudaginn 24. febrúar kl. 17 heldur heimspekingurinn Guðmundur Heiðar Frímannsson fyrirlestur í Listasafninu, Ketilhúsi undir yfirskriftinni Á dauðans tími að vera óviss?

Þriðjudaginn 17. febrúar kl. 13.00 verður nýkjörnum listamanni Listar án landamæra 2015, Akureyringnum Karli Guðmundssyni, veitt viðurkenning í Listasafninu á Akureyri.

Laugardaginn 21. febrúar kl. 15 verður opnuð í vestursal Listasafnsins á Akureyri sýning Lárusar H. List, Álfareiðin. Samskipti manna við álfa og huldufólk eru listamanninum hugleikin á sýningunni. Huldufólk býr í klettum eða steinum og iðkar búskap sinn líkt og mennirnir. Háskalegt er jafnan að styggja álfa en sé þeim gerður greiði eru ríkuleg laun vís. Sýningin verður opin sunnudag, þriðjudag, miðvikudag og fimmtudag kl. 12-17. Henni lýkur formlega fimmtudaginn 26. febrúar kl. 15 með lokunarteiti.

Í dag, fimmtudaginn 19. febrúar, kl. 15-17 lýkur sýningu Jorisar Rademaker, Hreyfing, í vestursalnum með lokunarteiti. Þar með gefst gestum og gangandi tækifæri til þess að spjalla við listamanninn um sýninguna og þær breytingar sem átt hafa sér stað síðan hún opnaði síðastliðinn laugardag. Á sýningunni veltir listamaðurinn fyrir sér spurningum um eðli mismunandi hreyfinga. Hvert verk á sýningunni má túlka sem táknræna fullyrðingu um ólíkar hreyfingar í þrívídd.

Leiðsögn verður í Listasafninu, Ketilhúsi fimmtudaginn 19. febrúar kl. 12.15 - 12.45 um sýningu Rósu Sigrúnar Jónsdóttur, Svelgir. Guðrún Pálína Guðmundsdóttir fræðslufulltrúi tekur á móti gestum og fræðir þá um sýninguna og einstaka verk. Aðgangur er ókeypis.

Þriðjudaginn 17. febrúar kl. 17 heldur myndlistarmaðurinn Margeir Dire fyrirlestur í Listasafninu á Akureyri, Ketilhúsi undir yfirskriftinni Endalaus innblástur. Á fyrirlestrinum veltir Margeir fyrir sér þeirri áráttu sinni að búa eitthvað til úr öllu því sem hann hefur upplifað. Í kjölfarið fer hann yfir sköpun sína í gegnum tíðina og ástæður hennar.