Fréttasafn

Leiðsögn verður í Listasafninu, Ketilhúsi, fimmtudaginn 22. janúar, kl. 12.15 - 12.45 um sýningu Rósu Sigrúnar Jónsdóttur, Svelgir, sem opnaði um síðustu helgi. Guðrún Pálína Guðmundsdóttir fræðslufulltrúi tekur á móti gestum og fræðir þá um sýninguna og einstaka verk. Aðgangur er ókeypis.

Þriðjudagsfyrirlestur Hildar Friðriksdóttur, Hin fullkomna kvenímynd, sem átti að fara fram í dag kl. 17, fellur niður vegna veikinda. Ný dagsetning verður auglýst síðar. Beðist er velvirðingar á þessari breytingu.

Í tengslum við sýninguna Listakonan í Fjörunni, sem nú stendur yfir í Listasafninu, verður haldin smiðja í gerð snjóskúlptúra í Listagilinu, laugardaginn 17. janúar kl. 13-16. Smiðjan er í boði Norðurorku og er opin börnum og fullorðnum. Listamaðurinn og formaður Sambands Íslenskra Myndlistamanna, Jóna Hlíf Halldórsdóttir, mun þá taka á móti fólki á öllu aldri og kenna því að gera skúlptúra úr snjónum í Listagilinu. Allir velkomnir.

Laugardaginn 17. janúar kl. 15 verða opnaðar tvær sýningar í Listasafninu á Akureyri; annars vegar sýning Rósu Sigrúnar Jónsdóttur, Svelgir, í Ketilhúsinu og hins vegar opnar ástralski listamaðurinn Brenton Alexander Smith undir yfirskriftinni Með vélum / Together With Machines í vestursal Listasafnsins. Síðarnefnda sýningin er hluti af sýningaröð sem mun standa til 8. mars og inniheldur 8 vikulangar sýningar. Habby Osk sýndi í síðustu viku en aðrir sýnendur eru í tímaröð Jóna Hlíf Halldórsdóttir, Kristján Pétur Sigurðsson, Þóra Karlsdóttir, Joris Rademaker, Lárus H. List og Arnar Ómarsson.

Leiðsögn verður í Listasafninu á Akureyri í dag, fimmtudaginn 15. janúar, kl. 12.15 - 12.45 um yfirlitssýningu Elísabetar Geirmundsdóttur, Listakonan í Fjörunni, sem opnaði um síðustu helgi. Guðrún Pálína Guðmundsdóttir, fræðslufulltrúi, og Ásgrímur Ágústsson, sonur Elísabetar, taka á móti gestum og fræða þá um sýninguna og einstaka verk. Aðgangur er ókeypis.

Þriðjudaginn 13. janúar kl. 17 heldur Jóna Hlíf Halldórsdóttir, myndlistarmaður og formaður Sambands íslenskra myndlistarmanna, fyrsta Þriðjudagsfyrirlestur ársins í Listasafninu á Akureyri, Ketilhúsi undir yfirskriftinni Kjarni. Þar mun Jóna Hlíf fjalla um eigin myndlistarferil og verkefni sem hún hefur staðið fyrir. Einnig mun hún fjalla um starf sitt sem formaður SÍM og segja frá helstu hagsmunamálum.

Listasafnið á Akureyri heilsar árinu 2015 með nýju merki, nýrri heimasíðu og fjölbreyttri dagskrá. Jafnframt verður nafnið Sjónlistamiðstöðin lagt til hliðar og Ketilhúsið gert að sýningarsal Listasafnsins sem mun þar af leiðandi standa fyrir sýningarhaldi í tveimur byggingum, þ.e. Listasafnsbyggingunni og Ketilhúsinu. Deiglan hefur nú verið færð í umsjá Gilfélagsins.

Þriðjudaginn 13. janúar kl. 17 heldur Jóna Hlíf Halldórsdóttir, myndlistarmaður og formaður Sambands íslenskra myndlistarmanna, fyrsta Þriðjudagsfyrirlestur ársins í Listasafninu á Akureyri, Ketilhúsi undir yfirskriftinni Kjarni. Þar mun Jóna Hlíf fjalla um eigin myndlistarferil og verkefni sem hún hefur staðið fyrir. Einnig mun hún fjalla um starf sitt sem formaður SÍM og segja frá helstu hagsmunamálum.

Laugardaginn 10. janúar kl. 15 verða opnaðar tvær fyrstu sýningar ársins í Listasafninu á Akureyri. Í mið- og austursal má sjá yfirlit á verkum Elísabetar Geirmundsdóttur, Listakonan í Fjörunni, en í vestursal sýnir Habby Osk undir yfirskriftinni (Ó)Stöðugleiki. Síðarnefnda sýningin er hluti af sýningaröð sem mun standa til 8. mars og inniheldur 8 vikulangar sýningar. Aðrir sýnendur eru Brenton Alexander Smith, Jóna Hlíf Halldórsdóttir, Kristján Pétur Sigurðsson, Þóra Karlsdóttir, Joris Rademaker, Lárus H. List og Arnar Ómarsson.

Vetrarlokun stendur nú yfir á Listasafninu þar sem starfsmenn sinna árlegu viðhaldi og öðru tilheyrandi. Fyrsta opnun ársins 2015 verður laugardaginn 10. janúar kl. 15 þegar tvær sýningar opna í Listasafninu. Í mið- og austursal safnsins verður yfirlitssýning á verkum Elísabetar Sigríðar Geirmundsdóttur, Listakonan í fjörunni, en í vestursalnum sýnir Habby Osk undir yfirskriftinni (Ó)stöðuleiki. Síðarnefnda sýningin er hluti af sýningaröð sem mun standa til 8. mars og inniheldur 8 vikulangar sýningar. Aðrir sýnendur eru Brenton Alexander Smith, Jóna Hlíf Halldórsdóttir, Kristján Pétur Sigurðsson, Þóra Karlsdóttir, Joris Rademaker, Lárus H. List og Arnar Ómarsson.