Fréttasafn

Framundan er síðasta sýningarhelgi yfirlitssýningar á verkum Kristínar Katrínar Þórðdardóttur Thoroddsen, KTh – Málverk og ljósmyndir, en henni lýkur á sunnudaginn kl. 17.

Í dag, fimmtudaginn 13. maí, kl. 12-13 verður boðið upp á leiðsögn um útskriftarsýningu VMA, Kompakt, sem var opnuð um síðustu helgi. Nemendurnir Katrín Helga Ómarsdóttir, Kasia Rymon Lipinska og Margrét Lilja Álfgeirsdóttir ásamt Helgu Björgu Jónasardóttur taka á móti gestum og segja frá sýningunni og einstaka verkum. Listasafnið verður að venju opið til kl. 17 í dag, uppstigningardag.

Laugardaginn 15. maí kl. 11-12 verður haldin klippismiðja fyrir 12-16 ára með Agli Loga Jónassyni, sem einnig gengur undir listamannaheitinu Drengurinn fengurinn. Fjöldi takmarkast við 10. Engin skráning.

Laugardaginn 15. maí kl. 15 hefst tónleikaröðin Tólf tóna kortérið í Listasafninu. Þar koma fram tónlistarmenn og tónskáld búsett á Norðurlandi og bjóða áheyrendum inn í heim framúrstefnu og hljóðtilrauna innan veggja Listasafnsins. Tónleikarnir taka 15 mínútur og verða fluttir kl. 15 og aftur kl. 16.

Laugardaginn 8. maí kl. 12-17 verða tvær sýningar opnaðar í Listasafninu á Akureyri: Nemendasýning Myndlistaskólans á Akureyri, Sjónmennt 2021, og útskriftarsýning nemenda listnáms- og hönnunarbrautar VMA, Kompakt. Sýningarnar standa til 16. maí.

Tvær smiðjur verða haldnar um komandi helgi í Listasafninu í samstarfi við Barnamenningarhátíð á Akureyri. Enginn aðgangseyrir er inn á smiðjurnar. Norðurorka styrkir barna- og fræðslustarf Listasafnsins á Akureyri.

Laugardaginn 1. maí kl. 12-17 verður opnuð sýning á verkum Errós, Ferðagarpurinn Erró, í Listasafninu á Akureyri. Á sýningunni má sjá verk sem tengjast ferðalögum. Hvert sem hann fer sankar Erró að sér hundruðum mynda og nýtir í samklippuverk sem smám saman verða að málverki. Hugmyndin um ferðalög og tilfærslur birtist í mörgum verkum, þar sem hann notar mótíf eins og flugvélar, lestir, eldflaugar, fugla, hesta eða jafnvel ofurhetjur, á sértækan hátt í seríum sem varða „heimsferð Maós“, „geimferðir“ og „konur frá Norður-Afríku“.

Í tilefni sumardagsins fyrsta er frítt inn á Listasafnið í dag. Boðið er upp á opna listsmiðju kl. 12-16 fyrir alla fjölskylduna undir yfirskriftinni Ýmislegt alls konar. Alls konar efniviður verður á staðnum og allir velkomnir. Tilvalið tækifæri fyrir fjölskyldur að skapa sitt eigið listaverk og njóta samverunnar.

Þrjár smiðjur verða haldnar á næstu dögum í Listasafninu í samstarfi við Barnamenningarhátíð á Akureyri. Enginn aðgangseyrir er inn á smiðjurnar. Norðurorka styrkir barna- og fræðslustarf Listasafnsins á Akureyri.

Á dögunum hlaut Listasafnið fimm styrki frá Safnaráði fyrir árið 2021, samtals að upphæð 6 milljónir króna.