Fréttasafn

Í tilefni sumardagsins fyrsta er frítt inn á Listasafnið í dag. Boðið er upp á opna listsmiðju kl. 12-16 fyrir alla fjölskylduna undir yfirskriftinni Ýmislegt alls konar. Alls konar efniviður verður á staðnum og allir velkomnir. Tilvalið tækifæri fyrir fjölskyldur að skapa sitt eigið listaverk og njóta samverunnar.

Þrjár smiðjur verða haldnar á næstu dögum í Listasafninu í samstarfi við Barnamenningarhátíð á Akureyri. Enginn aðgangseyrir er inn á smiðjurnar. Norðurorka styrkir barna- og fræðslustarf Listasafnsins á Akureyri.

Á dögunum hlaut Listasafnið fimm styrki frá Safnaráði fyrir árið 2021, samtals að upphæð 6 milljónir króna.

Í tilefni sumardagsins fyrsta, fimmtudaginn 22. apríl kl. 12-16, verður boðið upp á opna listsmiðju fyrir fjölskyldur í Listasafninu. Alls konar efniviður verður á staðnum og allir velkomnir. Tilvalið tækifæri fyrir fjölskyldur að skapa sitt eigið listaverk og njóta samverunnar. Enginn aðgangseyrir er inn í tilefni sumardagsins fyrsta.

Alþjóðlegur dagur myndlistar verður haldinn fimmtudaginn 15. apríl og af því tilefni verður ókeypis inn á Listasafnið. Jafnframt hafa þá verið rýmkaðar samkomutakmarkanir og mega því vera 20 gestir inni á sama tíma.

Sunnudaginn 18. apríl kl. 15-16 verður haldin listsmiðja fyrir 6-10 ára undir heitinu Teiknað með nál og þræði. Leiðbeinandi er Guðrún Hadda Bjarnadóttir. Þátttakendur tjá sig frjálst með nál og þræði og skoða hvernig hægt er að færa teikningu yfir á efni til að sauma eftir.

Í kjölfarið á hertum sóttvarnarreglum sem standa til og með 15. apríl verður nokkrum viðburðum á vegum Listasafnsins frestað um óákveðinn tíma. Ný tímasetning verður auglýst við fyrsta tækifæri. Listasafnið er engu að síður opið alla daga kl. 12-17 þar sem hámarksfjöldi gesta miðast við 10 manns.

Yfirlitssýningu á verkum Þorvaldar Þorsteinssonar, Lengi skal manninn reyna, lýkur næstkomandi sunnudag, 11. apríl.

Listasafnið verður opið alla páskahátíðina kl. 12-17. Hefðbundin leiðsögn á fimmtudögum fellur niður í kjölfarið á hertum sóttvarnarreglum til og með 15. apríl. Fjöldi gesta safnsins takmarkast nú við hámark 10. Gleðilega páska!

Í kjölfarið á hertum sóttvarnarreglum sem standa til og með 15. apríl verður skynjunarsmiðju Sunnu Svavarsdóttur, sem átti að fara fram laugardaginn 3. apríl kl. 11-12, frestað um óákveðinn tíma. Endanlega tímasetning verður auglýst síðar.