Opin gestavinnustofa – Sima Schloss

Komdu og kynntu þér vinnuferli listakonunnar Sima Schloss í opinni gestavinnustofu Listasafnsins á Akureyr, fimmtudaginn 30. júlí kl. 16:00.

Sima Schloss er bandarísk myndlistarkona frá New York sem vinnur með óhlutbundna myndlist, látbragðskenndar línur og portrett. Í verkum sínum beinir hún sjónum sínum ekki aðeins að ytra útliti manneskjunnar heldur fyrst og fremst að innra lífi hennar – tilfinningum, upplifunum og ímynduðum heimum.

Schloss vinnur með blandaða tækni þar sem hún byggir upp verk sín í mörgum lögum með samklippi, samsetningu og efnum úr sjónrænum dagbókum sem hún hefur haldið úti í yfir 25 ár. Myndverurnar sem verða til í ferlinu taka smám saman á sig eigið líf og færast frá hefðbundinni portrettmynd yfir í ímyndaðar verur þar sem mörk hins raunverulega og óhlutbundna mætast.

Gestir fá tækifæri til að sjá listakonuna að störfum, kynnast aðferðum hennar og upplifa sköpunarferlið á eigin skinni.

Sima Schloss er með MFA-gráðu í málaralist og starfar einnig sem listfræðiprófessor. Hún hóf atvinnuferil sinn sem myndlistarkona eftir einkasýningu sína í Lehman College Art Gallery í Bronx árið 2017 og hefur síðan tekið þátt í fjölmörgum einkasýningum, samsýningum og listmessum víða um Bandaríkin.