Fréttasafn

Fimmtudaginn 8. febrúar kl. 12.15-12.45 verður boðið upp á síðustu leiðsögnina um sýningu á verkum Louisu Matthíasdóttur, Stúlka með hjól, en henni lýkur næstkomandi sunnudag 11. febrúar. Guðrún Pálína Guðmundsdóttir, fræðslufulltrúi, tekur á móti gestum og fræðir þá um sýninguna og einstaka verk. Aðgangur er ókeypis.

Þriðjudaginn 6. febrúar kl. 17-17.40 heldur Andy Paul Hill, lektor í lögreglufræði við Háskólann á Akureyri, Þriðjudagsfyrirlestur undir yfirskriftinni Adult Dyslexia: An Examination of the Myths and Reality of Living in the Digital Age. Aðgangur er ókeypis.

Breyting hefur orðið á áður auglýstum Þriðjudagsfyrirlestri næstkomandi þriðjudag 30. janúar kl. 17-17.40. Fyrirhugaður fyrirlestur Þorvaldar Bjarna Þorvaldssonar, tónlistarmanns, fellur niður af óviðráðanlegum örsökum. Þess í stað mun Hlynur Hallsson, safnstjóri Listasafnsins, halda fyrirlestur undir yfirskriftinni Nýtt Listasafn - nýir tímar. Þar mun hann ræða samfélagslegt hlutverk Listasafnsins á Akureyri, safnkennslu og þá möguleika sem nýtt safn hefur í för með sér. Hann mun m.a. varpa fram eftirfarandi spurningum: Hvað er safn? Hvert er hlutverk safna? Hvernig eru listasöfn að þróast? Hvernig getur Listasafnið á Akureyri eflt bæinn sem menningar- og menntabæ og einnig sem spennandi áfangastað ferðamanna?

Fimmtudaginn 1. febrúar kl. 12.15-12.45 verður boðið upp á leiðsögn í Listasafninu, Ketilhúsi um sýningu á verkum Louisu Matthíasdóttur, Stúlka með hjól. Guðrún Pálína Guðmundsdóttir, fræðslufulltrúi, tekur á móti gestum og fræðir þá um sýninguna og einstaka verk. Aðgangur er ókeypis.

Þriðjudaginn 23. janúar heldur Jón Proppé, listheimspekingur, fyrsta Þriðjudagsfyrirlestur ársins undir yfirskriftinni Heimakæri heimsborgarinn: Um feril og verk Louisu Matthíasdóttur.

Á kynningarfundi sem haldinn var í Listasafninu á Akureyri í dag var dagskrá ársins 2018 og komandi starfsár kynnt. Einnig var farið í gegnum þær framkvæmdir sem nú standa yfir á Listasafninu og þær útskýrðar. Í lok fundarins var undirritaður nýr samstarfssamningur Listasafnsins og Icelandair Hotels Akureyri og Air Iceland Connect. Það var Sigrún Björk Sigurðardóttir, hótelstjóri á Icelandair Hotels Akureyri, og Hlynur Hallsson, safnstjóri Listasafnsins, sem undirrituðu samninginn. Prentaðri dagskrá ársins var í dag dreift í öll hús á Akureyri.

Fjölskylduleiðsögn, laugardaginn 20. janúar kl. 11-12. Heiða Björk Vilhjálmsdóttir, fræðslufulltrúi, segir börnum og fullorðnum frá sýningu á verkum Louisu Matthíasdóttur, Stúlka með hjól. Að lokinni leiðsögn er gestum boðið að búa til sitt eigið listaverk, innblásið af verkum listakonunnar. Aðgangur er ókeypis.

Listasafnið á Akureyri leitar eftir aðila/aðilum til að annast rekstur á kaffihúsi í Listasafninu á Akureyri. Nýtt og endurbyggt Listasafn opnar sumarið 2018 með góðri aðstöðu fyrir spennandi kaffihús á jarðhæð safnsins. Kaffihúsið verður sjálfstæð eining á góðum stað í Listagilinu en jafnframt mikilvægur hluti af Listasafninu. Útboðsgögn verða afhent frá og með miðvikudeginum 10. janúar 2018. Vinsamlegast óskið eftir gögnum í g

Jón Proppé, listheimspekingur, heldur fyrsta Þriðjudagsfyrirlestur ársins þann 23. janúar næstkomandi í Listasafninu, Ketilhúsi, en þar mun hann fjalla um Louisu Matthíasdóttur. Fyrirlestraröðin er samvinnuverkefni Listasafnsins á Akureyri, Myndlistaskólans á Akureyri, Gilfélagsins, Verkmenntaskólans á Akureyri, Myndlistafélagsins og Háskólans á Akureyri.

Boðið verður upp á leiðsögn milli jóla- og nýárs, fimmtudaginn 28. desember kl. 12.15-12.45, í Listasafninu, Ketilhúsi um sýningu á verkum Louisu Matthíasdóttur, Stúlka með hjól. Heiða Björk Vilhjálmsdóttir, fræðslufulltrúi, tekur á móti gestum og fræðir þá um sýninguna og einstaka verk. Aðgangur er ókeypis.