Menningarsúpan fer aftur af stað!

Nú tökum við aftur upp þráðinn með Menningarsúpuna, óformlegan mánaðarlegan hitting fyrir fólk sem hefur áhuga á menningu og menningarlífi á Akureyri og í nágrenni.

 

Menningarsúpan er vettvangur til að hittast, kynnast, spjalla og deila hugmyndum, hvort sem þú starfar við menningu, ert listamaður, skipuleggur viðburði, ert þátttakandi í menningarlífinu eða hefur einfaldlega áhuga á því sem er að gerast. 

Við ræðum það sem er á döfinni, deilum hugmyndum og reynslu, kynnumst því sem aðrir eru að gera og spáum í hvernig við getum styrkt og auðgað menningarlífið á svæðinu.

 

 

Engin formleg dagskrá að öðru leyti - bara gott fólk, samtal og súpa frá þeim á Ketilkaffi! Endilega skráið ykkur á Facebook-viðburðinn hér svo starfsfólk Ketilkaffis hafi sem gleggsta hugmynd um fjöldann sem ætlar að fá sér súpudisk 

 

Öll áhugasöm eru hjartanlega velkomin!