Fréttasafn

Fimmtudaginn 19. janúar kl. 12.15-12.45 verður boðið upp á leiðsögn í Listasafninu, Ketilhúsi um yfirlitssýningu á verkum Nínu Tryggvadóttur, Litir, form og fólk, og sýningu Freyju Reynisdóttur, Sögur, sem báðar voru opnaðar síðastliðinn laugardag. Freyja, Hlynur Hallsson, safnstjóri, og Heiða Björk Vilhjálmsdóttir, fræðslufulltrúi, taka á móti gestum og fræða þá um sýningarnar og einstaka verk. Aðgangur er ókeypis.

Fimmtudaginn 12. janúar kl. 12.15-12.45 verður boðið upp á leiðsögn í Listasafninu um sýningar Ásdísar Sifjar Gunnarsdóttur, Sýn í þokunni, og Joan Jonas, Eldur og saga, 1985. Hlynur Hallsson, safnstjóri, tekur á móti gestum og fræðir þá um sýningarnar. Aðgangur er ókeypis.

Sumarið 2018 verður aðalhúsnæði Listasafnsins á Akureyri opnað að nýju eftir stórfelldar endurbætur og stækkun, en fram að því verður sýningarýmið í Ketilhúsinu. Teknir verða í notkun bjartir og fallegir sýningarsalir á fjórðu hæð. Nýr og betri inngangur með bættu aðgengi fyrir hreyfihamlaða og barnavagna verður á jarðhæð ásamt safnbúð og notalegu kaffihúsi.

Laugardaginn 14. janúar kl. 15 verða opnaðar tvær fyrstu sýningar ársins í Listasafninu á Akureyri, Ketilhúsi: yfirlitssýning á verkum Nínu Tryggvadóttur, Litir, form og fólk, og sýning Freyju Reynisdóttur, Sögur.

Sýningar Ásdísar Sifjar Gunnarsdóttur, Sýn í þokunni, og bandarísku listakonunnar Joan Jonas, Eldur og saga, 1985 / Volcano Saga, 1985 hafa verið framlengdar og munu nú standa til sunnudagsins 29. janúar næstkomandi.

Á kynningarfundi sem haldinn var í Listasafninu á Akureyri í dag var dagskrá ársins 2017 kynnt og farið í gegnum komandi starfsár. Einnig voru kynntar breytingar sem fyrirhugaðar eru á húsnæði safnsins en framkvæmdir hefjast í febrúar. Í lok fundarins var undirritaður nýr þriggja ára samstarfssamningur Listasafnsins og Ásprents Stíls, sem er einn sex bakhjarla safnsins. Það var G. Ómar Pétursson, framkvæmdastjóri Ásprents Stíls, og Hlynur Hallsson, safnstjóri Listasafnsins, sem undirrituðu samninginn. Prentaðri dagskrá ársins var í gær dreift í öll hús á Akureyri.

Fimmtudaginn 5. janúar kl. 12.15-12.45 verður boðið upp á leiðsögn í Listasafninu um sýningar Ásdísar Sifjar Gunnarsdóttur, Sýn í þokunni, og Joan Jonas, Eldur og saga, 1985. Heiða Björk Vilhjálmsdótti, fræðslufulltrúi, tekur á móti gestum og fræðir þá um sýningarnar. Aðgangur er ókeypis.

Árið 2017 verður óvenjulegt ár í Listasafninu á Akureyri þar sem framkvæmdir við efstu hæðina í Listasafnsbyggingunni hefjast í febrúar. Starfsemin beinist því aðallega að því að setja upp sýningar í Ketilhúsinu. Sýningarárið hefst með tveimur opnunum laugardaginn 14. janúar kl. 15. Á miðhæð Ketilhússins má sjá yfirlitssýningu á verkum Nínu Tryggvadóttur, Litir, form og fólk, en á svölunum opnar Freyja Reynisdóttir sýninguna Sögur.

Listasafnið á Akureyri verður opið á milli jóla og nýárs. Hér að neðan má sjá auglýstan opnunartíma yfir hátíðirnar.

Listasafnið á Akureyri óskar landsmönnum gleðilegra jóla og farsældar á komandi ári með þökk fyrir samskiptin á árinu sem er að líða. Árið 2017 verður óvenjulegt ár í Listasafninu. Langþráður draumur er að verða að veruleika og eftirvænting liggur í loftinu þar sem framkvæmdir við efstu hæðina í Listasafnsbyggingunni hefjast í febrúar. Starfsemin beinist því aðallega að því að setja upp sýningar í Ketilhúsinu. Árið hefst með tveimur opnunum laugardaginn 14. janúar kl. 15. Á miðhæð Ketilhússins má sjá yfirlitssýningu á verkum Nínu Tryggvadóttur, en á svölunum opnar Freyja Reynisdóttir sýninguna Sögur. Hlökkum til að sjá ykkur!