Fréttasafn

Listasafnið á Akureyri efnir til sýningar á verkum eftir norðlenska myndlistarmenn 29. ágúst - 18. október 2015. Dómnefnd velur úr innsendum verkum listamanna sem búa og/eða starfa á Norðurlandi eða hafa tengingu við svæðið. Umsóknarfrestur er til og með 27. apríl næstkomandi.

Boðið verður upp á leiðsögn í Listasafninu, Ketilhúsi fimmtudaginn 16. apríl kl. 12.15 - 12.45 um yfirlitssýningu Iðunnar Ágústsdóttur. Framundan er síðasta vika sýningarinnar en henni lýkur næstkomandi sunnudag, 19. apríl. Guðrún Pálína Guðmundsdóttir, fræðslufulltrúi, tekur á móti gestum og fræðir þá um sýninguna og einstaka verk. Aðgangur er ókeypis.

Í páskablaði DV birtist gott viðtal við Jan Voss sem nú sýnir í Listasafninu undir yfirskriftinni Með bakið að framtíðinni. Í viðtalinu talar Jan um sýninguna, ferilinn og bókabúðina frægur, Boekie Woekie, sem hann starfrækir í Amsterdam. HÉR má lesa viðtalið.

Listasumar á Akureyri 2015 fer fram 12. júní - 6. september 2015 og er tilvalinn vettvangur fyrir unga sem aldna listamenn til að koma sér á framfæri.

Þriðjudaginn 14. apríl kl. 17 verður haldinn opinn fundur í Listasafninu á Akureyri, Ketilhúsi um Listasumar 2015. Allir sem hafa áhuga á þátttöku eru hvattir til að mæta. Listasumar fer fram 12. júní - 6. september 2015 og er tilvalinn vettvangur fyrir unga sem aldna listamenn til að koma sér á framfæri.

Menningarþátturinn Listaukinn var á ferðinni um Listagilið fyrir nokkru og kom við á sýningum Jan Voss, Með bakið að framtíðinni, í Listasafninu og á sýningu nemenda Lungaskólans á Seyðisfirði, Here Comes the Sun sem stóð í Kaktus - hinu nýja listamannsrekna rými sem staðsett er þar sem Populus tremula var áður til húsa. Gestir þáttarins voru Albertína Friðbjörg Elíasdóttir, atvinnufulltrúi Akureyrarbæjar, og Almar Alfreðsson, vöruhönnuður.

Boðið verður upp á leiðsögn í Listasafninu á Akureyri fimmtudaginn 9. apríl kl. 12.15 - 12.45 um sýningu Jan Voss, Með bakið að framtíðinni. Guðrún Pálína Guðmundsdóttir fræðslufulltrúi tekur á móti gestum og fræðir þá um sýninguna og einstaka verk. Aðgangur er ókeypis.

Yfirstandandi sýningar í Listasafninu á Akureyri verða opnar alla páskahátíðina kl. 12-17 og sem fyrr er enginn aðgangseyrir. Sýning þýska listamannsins Jan Voss Með bakið að framtíðinni stendur nú yfir í Listasafninu á Akureyri, en spurningin „hvað er mynd?“ er undirliggjandi þáttur í viðfangsefnum Voss. Þó að óhefðbundnar vinnuaðferðir hans hafi stöku sinnum kallað fram svipleiftur þess sem gætu hafa verið svör þá hefur leit hans – sem spannar ólíka miðla – ekki bent á neitt umfram það sem væri speglun af einhverju öðru.

Laugardaginn 4. apríl opnar listamaðurinn Victor Ocares sýninguna Beautiful $tuff í Kaktus í Listagilinu. Victor Ocares útskrifaðist úr myndlistardeild Listaháskóla Íslands vorið 2013 og hefur verið iðinn við sýningarhald bæði á Íslandi og erlendis. Listsköpun hans er lituð dulhyggju sem leitar meðal annars fanga í heimspeki og vísindum. Sýningin opnar kl. 16 og stendur opin fram á kvöld eða þangað til tónleikar Mafama hefjast í Kaktus kl. 21. Aðgangur er ókeypis.

Á skírdag kl. 14 opnar Ragnar Hólm sýningu á nýjum vatnslitamynd og málverkum í Mjólkurbúðinni í Listagilinu á Akureyri. Þetta er níunda einkasýning Ragnars sem hefur stigið fjörugan dans við listagyðjuna á síðustu árum en fyrstu sýningu sína hélt hann vorið 2010. Við opnunina á skírdag í Mjólkurbúðinni ætla Pálmi Gunnarsson og Kristján Edelstein að leika létta tónlist af fingrum fram.