Fréttasafn

Á kynningarfundi sem haldinn var í Listasafninu á Akureyri í gær var dagskrá ársins 2025, ný árbók og komandi starfsár kynnt. Einnig var formlega tilkynnt um útgáfu sérstakrar bókar um sýningaröðina Sköpun bernskunnar, þar sem skólabörn og starfandi listafólk leiða árlega saman hesta sína í Listasafninu. Árbók safnsins er nú öllum aðgengileg og gjaldfrjáls í anddyri safnsins auk valdra staða á Akureyri.

Þriðjudaginn 4. febrúar kl. 17-17.40 heldur grafíski hönnuðurinn Anton Darri Pálmarsson fyrsta Þriðjudagsfyrirlestur ársins undir yfirskriftinni Grafísk hönnun: Að skapa tækifæri og koma sér á framfæri. Aðgangur er ókeypis.

Laugardaginn 25. janúar kl. 15 verða opnaðar þrjár sýningar í Listasafninu á Akureyri: Hulda Vilhjálmsdóttir – Huldukona, Kristján Guðmundsson – Átta ætingar og Þórður Hans Baldursson / Þórunn Elísabet Sveinsdóttir – Dömur mínar og herrar. Boðið verður upp á listamannaspjall við Huldu, Þórð og Þórunni kl. 15.45.

Laugardaginn 18. janúar kl. 15 verður boðið upp á leiðsögn um tvær sýningar: Fríða Karlsdóttir - Ekkert eftir nema mýktin og Jónas Viðar - Jónas Viðar í safneign. Aðgangur er innifalinn í miðaverði Listasafnsins.

Sunnudaginn 19. janúar kl. 11-12 mun Heiða Björk Vilhjálmsdóttir, verkefnastjóri fræðslu og miðlunar, segja börnum og fullorðnum frá sýningunum Augnablik - til baka og Átthagamálverkið. Að lokinni leiðsögn er gestum boðið að búa til sitt eigið listaverk, innblásið af verkum sýninganna.

Framundan er síðasta sýningarhelgi á þremur sýningum: Detel Aurand og Claudia Hausfeld – Samskipti, Georg Óskar – Það er ekkert grín að vera ég Einar Falur Ingólfsson – Útlit loptsins – Veðurdagbók. Sýningarnar voru allar opnaðar í lok september á síðasta ári og lýkur á morgun, sunnudaginn 12. janúar.

Laugardaginn 4. janúar kl. 15-15.15 og 16-16.15 verður Tólf tóna álfakortérið á dagskrá í Listasafninu. Þá mun slagverksleikarinn Matiss Leo Meckl flytja tónverkin Case History eftir Roderik de Man, Bad Touch eftir Casey Cangelosi og Silence Must eftir Thierry De Mey. Tónleikarnir fara fram í sal 04 og er aðgangur ókeypis.

Listasafnið á Akureyri óskar Akureyringum og landsmönnum öllum gleðilegs nýs árs og þakkar fyrir komuna á árinu sem er að líða.

Listasafnið á Akureyri óskar landsmönnum gleðilegra jóla og farsældar á komandi ári með þökk fyrir samskiptin á árinu sem er að líða. Safnbúðin er opin á hefðbundnum opnunartíma safnsins fram að jólum, alla daga kl. 12-17.

Í safnbúð Listasafnsins er m.a. finna listræna gjafavöru, listmuni, áhugaverðar listaverkabækur af margvíslegum toga og plaköt sem fegra heimilið. Þar er einnig hægt að kaupa árskort á Listasafnið fyrir aðeins 4.900 kr. Verið velkomin. Sjón er sögu ríkari.