Listasafnið á Akureyri

Allt til enda

Listvinnustofur barna verða haldnar í Listasafninu í september, október og nóvember næstkomandi. Þá býðst börnum á grunnskólaaldri að sækja þrjár ólíkar listvinnustofur og vinna þar verk undir leiðsögn kraftmikilla og spennandi listamanna og hönnuða. Lesa meira.
Boreal Screendance Festival

Boreal Screendance Festival er alþjóðleg dansvídeóhátíð sem haldin er á Akureyri. Með Boreal skapast vettvangur til kynningar á dansvídeóum með það markmið að leiða saman innlent og erlent listafólk, byggja brýr heimsálfa á milli og hvetja til samstarfs. Lesa meira.
Gestavinnustofur

Opið er fyrir umsóknir um dvöl í nýjum gestavinnustofum í Listasafninu. Úthlutunarnefnd fer yfir umsóknirnar og verða umsækjendur látnir vita innan mánaðar. Gestalistamenn sem verða valdir hafa viku til þess að samþykkja boðið og aðra viku til þess að greiða staðfestingagjald. Lesa meira.

Instagram

Fjölskylduleiðsögn á sunnudaginn

Sunnudaginn 26. október kl. 11-12 mun Heiða Björk Vilhjálmsdóttir, verkefnastjóri fræðslu og miðlunar, segja börnum og fullorðnum frá sýningum Barbara Long, Himnastigi, og Bergþórs Morthens, Öguð óreiða. Að lokinni leiðsögn er gestum boðið að búa til sitt eigið listaverk, innblásið af verkum sýninganna.
Leiðsögn á laugardegi

Laugardaginn 25. október kl. 15 verður boðið upp á leiðsögn um þrjár sýningar; Himnastigi - Barbara Long, Öguð óreiða - Bergþór Morthens og Femina Fabula - Sýndarveruleiki. Aðgangur er innifalinn í miðaverði Listasafnsins.
Boreal hefst á föstudaginn

Dansvídeóhátíðin Boreal hefst í Listasafninu föstudagskvöldið 24. október kl. 20. Þetta er í sjötta sinn sem hátíðin er haldin og fara sýningarnar fram í Listasafninu, Mjólkurbúðinni, Deiglunni og Kaktus. Allir viðburðir eru opnir gestum að kostnaðarlausu og dagskrána má nálgast á samfélagsmiðlum og heimasíðum Boreal og Listasafnsins.