Með bakið að framtíðinni

Jan Voss
Með bakið að framtíðinni
Listasafnið á Akureyri, 14. mars - 10. maí 2015

Jan Voss er fæddur 1945 í Þýskalandi og búsettur í Amsterdam. Sem ungur listamaður vann hann við að teikna teiknimyndasögur, prentaði sjálfur og gaf út. Hann gekk síðar til liðs við félaga sína þær Henriëtte van Egten og Rúnu Thorkelsdóttur og hafa þau rekið hina einstöku bókaverslun, Boekie Woekie, í 30 ár. Verslunin selur bækur eftir listamenn (www.boekiewoekie.com).

Spurningin „hvað er mynd?“ er undirliggjandi þáttur í viðfangsefnum Voss. Þó að óhefðbundnar vinnuaðferðir hans hafi stöku sinnum kallað fram svipleiftur þess sem gætu hafa verið svör, þá hefur leit hans – sem spannar ólíka miðla – ekki bent á neitt umfram það sem væri speglun af einhverju öðru.