Útskriftasýning VMA

Nemendur listnámsbrautar VMA
Útskriftarsýning VMA
Listasafnið á Akureyri, Ketilhús, 25. apríl - 3. maí 2015

Sýning á lokaverkefnum nemenda hefur lengi verið fastur liður í starfssemi listnáms- og hönnunarbrautar Verkmenntaskólans á Akureyri. Við undirbúning slíkra sýninga velja nemendur sér verkefni eftir áhugasviði þar sem þeim gefst tækifæri til að dýpka skilning sinn á miðlum sem þeir hafa áður kynnst eða að kynna sér nýja. Að baki verkanna liggur hugmynda- og rannsóknarvinna og leita nemendur víða gagna í eigin sköpunarferli, allt eftir því hvað hentar hverri hugmynd og þeim miðli sem unnið er með. Nemendur fá eina önn til að vinna að lokaverkefnum sínum og uppsetningu sýningar í samtali og samvinnu við leiðsagnarkennara og samnemendur þar sem frumkvæði, hugmyndaauðgi og öguð vinnubrögð eru lögð til grundvallar.