Nautn

Samsýning
Nautn / Conspiracy of Pleasure
Listasafnið á Akureyri, 11. júní - 21. ágúst

Hin ýmsu lögmál og birtingarmyndir nautnar eru útgangspunktur sýningarinnar. Sex listamenn sýna ný verk, þar sem þeir fjalla um hugtakið, hver frá sínu sjónarhorni og forsendum, og efna til orðræðu um hlutverk nautnar í heimspekilegu, listrænu og veraldlegu samhengi. Í verkunum má sjá þráhyggjukenndar birtingarmyndir neysluhyggju og kynlífs í samtímanum, holdið í myndlistinni, mannslíkamann sem táknrænt fyrirbæri og innblástur eða einfaldlega hina frumstæðu nautn sem oft fylgir listsköpun, glímunni við efni og áferð, áráttu og blæti.

Hvar liggja mörkin á milli þess að leggja eðlilega og manneskjulega rækt við unað og ánægju annars vegar og hins vegar þess að gangast þessum eiginleikum hömlulaust á vald? Hvenær verður eitthvað að blæti? Hver er munurinn á munúð og ofgnótt, erótík og klámi, fegurð og kitsch, löngun og fíkn, metnaði og græðgi, háleitum markmiðum og firru? Og hver hefur vald til að setja fram þessar skilgreiningar? 

Listamenn: Anna Hallin (f. 1965), Birgir Sigurðsson (f. 1960), Eygló Harðardóttir (f. 1964), Guðný Kristmannsdóttir (f. 1965), Helgi Hjaltalín Eyjólfsson (f. 1968) og Jóhann Ludwig Torfason / Pabbakné (f. 1965). 

Sýningarstjórar: Hlynur Hallsson, safnstjóri Listasafnsins á Akureyri, og Inga Jónsdóttir safnstjóri Listasafns Árnesinga.


Jóhann Ludwig Torfason / Pabbakné                                         Eygló Harðardóttir


Guðný Kristmannsdóttir                                                             Anna Hallin


Birgir Sigurðsson                            


 Helgi Hjaltalín Eyjólfsson