Fréttasafn

Laugardaginn 19. júlí kl. 15 verður Mysingur 10 haldinn á útisvæði Listasafnins. Tónleikarnir fara fram á lokadegi Listasumars 2025 og fram koma Bjarni Daníel og Drengurinn fengurinn. Enginn aðgangseyrir er á tónleikana og hægt verður að kaupa veitingar frá Ketilkaffi á svæðinu. Tónleikarnir eru hluti af Listasumri 2025 og unnir í samstarf Listasafnsins á Akureyri og Akureyrarbæjar.

Laugardaginn 12. júlí kl. 15 verður boðið upp á gjörning Heklu Bjartar Helgadóttur í Listasafninu í tengslum við þátttöku hennar í samsýningu norðlenskra listamanna, Mitt rými. Viðburðurinn er hluti af Listasumri á Akureyri.

Laugardaginn 28. júní verður mikið um að vera á Listasafninu á Akureyri þar sem boðið verður upp á listamannaspjall við Þóru Sigurðardóttur kl. 15 undir stjórn Ann-Sofie N. Gremaud, en klukkan 14 sýnir Katrin Hahner gjörning í tengslum við þátttöku hennar í samsýningu norðlenskra listamanna, Mitt rými.

Laugardaginn 28. júní kl. 15 verður boðið upp á listamannaspjall með Þóru Sigurðardóttur um sýningu hennar Tími – Rými – Efni, sem opnuð var 17. maí síðastliðinn og stendur til 7. september. Stjórnandi er Ann-Sofie Gremaud, listfræðingur.

Fimmtudaginn 12. júní mun Listasafnið á Akureyri í fyrsta sinn bjóða hunda velkomna í sérstaka kvöldopnun ásamt eigendum sínum. Opið verður frá kl. 19 til 22 og ókeypis inn fyrir eigendur í fylgd hunda. Léttar veitingar í boði fyrir fjórfætlinga og fyrstu gestir fá óvæntan glaðning. Á Ketilkaffi verður hægt að kaupa sérstakar veitingar fyrir besta vininn.

Fimmtudagskvöldið 5. júní kl. 20-22 verða tvær sýningar opnaðar í Listasafninu á Akureyri: Samsýning norðlenskra listamanna, Mitt rými, og yfirlitssýning á verkum Margrétar Jónsdóttur, Kimarek – Keramik. Boðið verður upp á listamannaspjall með Margréti kl. 20.45 og leiðsögn um Mitt rými með Katrínu Björgu Gunnarsdóttur, sýningarstjóra, kl. 21.15.

Sunnudaginn 25. maí kl. 11-12 mun Heiða Björk Vilhjálmsdóttir, verkefnastjóri fræðslu og miðlunar, segja börnum og fullorðnum frá sýningunum Þóru Sigurðardóttur, Tími - Rými - Efni, og Heimis Hlöðverssonar, Samlífi. Að lokinni leiðsögn er gestum boðið að búa til sitt eigið listaverk, innblásið af verkum sýningarinnar.

Laugardaginn 24. maí kl. 15 verður boðið upp á leiðsögn um tvær sýningar: Tími-Rými-Efni - Þóra Sigurðardóttir og Samlífi - Heimir Hlöðversson. Aðgangur er innifalinn í miðaverði Listasafnsins.

Sunnudaginn 18. maí næstkomandi verður Alþjóðlegi safnadagurinn 2025 haldinn hátíðlegur undir yfirskriftinni Framtíð safna í síbreytilegum samfélögum. Af því tilefni verður ókeypis inn á Listasafnið á Akureyri.

Laugardaginn 17. maí kl. 15 verða sýningar Heimis Hlöðverssonar, Samlífi, og Þóru Sigurðardóttur, Tími – Rými – Efni, opnaðar í Listasafninu á Akureyri. Á opnunardegi verður leiðsögn með Heimi kl. 15.45.