Fréttasafn

Í tilefni Eyfirska safnadagsins er frítt inn á Listasafnið í dag, sumardaginn fyrsta. Boðið verður upp á opna listsmiðju kl. 12-15 fyrir alla aldurshópa undir yfirskriftinni Ýmislegt alls konar. Fjölbreyttur efniviður verður á staðnum og öll velkomin. Verkefnið er hluti af Barnamenningarhátíð á Akureyri. Gleðilegt sumar!

Sumardaginn fyrsta, 25. apríl, kl. 12-15 verður boðið upp á opna listsmiðju fyrir alla aldurshópa í Listasafninu. Tilvalið tækifæri til að skapa sitt eigið listaverk og njóta samveru. Alls konar efniviður verður á staðnum og öll velkomin. Verkefnið er hluti af Barnamenningarhátíð á Akureyri. Aðgangur að safninu er ókeypis í tilefni Eyfirska safnadagsins.

Sigríður Örvarsdóttir hefur verið ráðin nýr safnstjóri Listasafnsins á Akureyri. Sigríður er með MA gráðu í safnafræði frá Háskóla Íslands (2018), BA gráðu í textílhönnun frá Seminaret for Kunst og Haandværk í Danmörku (2001), ásamt meistaranámi í prjónahönnun frá Academie Royale des Beux-Arts (2014) og viðbótardiplómu í hagnýtri jafnréttisfræði frá Háskóla Íslands (2009). Auk þess er hún með kennsluréttindi í grunn- og framhaldsskóla (2001).

Laugardaginn 20. apríl kl. 15 verður listamannaspjall með Gunnari Kr. Jónassyni um verk hans á samsýningunni Sköpun bernskunnar. Stjórnandi er Heiða Björk Vilhjálmsdóttir, sýningarstjóri. Aðrir þátttakendur sýningarinnar eru Ingunn Fjóla Ingþórsdóttir og nemendur úr leikskólanum Naustatjörn og grunnskólunum Glerárskóla og Naustaskóla.

Sunnudaginn 21. apríl kl. 11-12 mun Heiða Björk Vilhjálmsdóttir, fræðslufulltrúi, segja börnum á og fullorðnum frá samsýningunni Sköpun bernskunnar. Á sýningunni má sjá verk eftir listafólkið Gunnar Kr. Jónasson og Ingunni Fjólu Ingþórsdóttur ásamt verkum nemenda úr leikskólanum Naustatjörn og grunnskólunum Glerárskóla og Naustaskóla. Að lokinni leiðsögn er gestum boðið að búa til sitt eigið listaverk, innblásið af verkum sýningarinnar.

Sunnudaginn 14. apríl kl. 11-13 verður boðið upp á listsmiðju í Listasafninu undir yfirskriftinni Lifandi náttúra. Smiðjan er ætluð börnum á aldrinum 9-13 ára og er hluti af Barnamenningarhátíð á Akureyri. Umsjón hefur Rakel Hinriksdóttir, skáld og myndlistarkona. Listsmiðjan er styrkt af SSNE og haldin í tengslum við ráðstefnuna Huldustígur sem fer fram í Hofi 20. apríl næstkomandi, þar sem umfjöllunarefnið verður álfar og huldufólk.

Listasafninu á Akureyri hlotnaðist sá heiður á dögunum að hljóta styrk úr sjóði Listaverkasafns Valtýs Péturssonar að upphæð 1.500.000, en þann 27. mars síðastliðinn voru 105 ár liðin frá fæðingu Valtýs. Listaverkasafnið var stofnað 2011 til að halda ævistarfi hans til haga. Styrknum skal varið í kaup á listaverkum eftir ungt myndlistarfólk, en auk Listasafnsins hlaut Listasafn Íslands einnig styrk úr sjóðnum. Er stjórn sjóðsins þakkað traustið.

Þriðjudaginn 9. apríl kl. 17-17.40 heldur Guðrún Hadda Bjarnadóttir, handverks- og myndlistarkona, Þriðjudagsfyrirlestur í Listasafninu undir yfirskriftinni Dyngjan – listhús. Aðgangur er ókeypis.

Sunnudaginn 7. apríl kl. 11-12 mun Heiða Björk Vilhjálmsdóttir, fræðslufulltrúi, segja börnum á leikskólaaldri frá samsýningunni Sköpun bernskunnar. Á sýningunni má sjá verk eftir listafólkið Gunnar Kr. Jónasson og Ingunni Fjólu Ingþórsdóttur ásamt verkum nemenda úr leikskólanum Naustatjörn og grunnskólunum Glerárskóla og Naustaskóla. Að lokinni leiðsögn er gestum boðið að búa til sitt eigið listaverk, innblásið af verkum sýningarinnar.

Listasafninu á Akureyri hlotnaðist sá heiður á dögunum að hljóta styrk úr sjóði Listaverkasafns Valtýs Péturssonar að upphæð 1.500.000, en þann 27. mars síðastliðinn voru 105 ár liðin frá fæðingu Valtýs. Listaverkasafnið var stofnað 2011 til að halda ævistarfi hans til haga. Styrknum skal varið í kaup á listaverkum eftir ungt myndlistarfólk. Tilkynnt verður um kaupin í aprílmánuði, en auk Listasafnsins á Akureyri hlaut Listasafn Íslands einnig styrk úr sjóðnum. Er stjórn sjóðsins þakkað traustið.