Listasafnið á Akureyri

Árbók 2025

Árbók Listasafnsins á Akureyri 2025 er nú öllum aðgengileg og gjaldfrjáls í anddyri safnsins auk valdra staða á Akureyri. Bókin skartar fjórum mismunandi forsíðum og í henni er umfjöllun um allar 24 sýningar ársins 2025 og viðburði safnsins auk fjölda mynda.
HÉR má sjá bókina í rafrænu formi.
Árskort

Gestum Listasafnsins býðst að kaupa árskort á afar hagstæðu verði eða á aðeins 5.500 krónur. Með kortinu getur fólk þá heimsótt safnið eins oft og það lystir í heilt ár frá og með kaupdegi. Árskortið er til sölu í anddyri Listasafnsins á opnunartíma alla daga kl. 12-17. Lesa meira.
Gestavinnustofur

Opið er fyrir umsóknir um dvöl í nýjum gestavinnustofum í Listasafninu. Úthlutunarnefnd fer yfir umsóknirnar og verða umsækjendur látnir vita innan mánaðar. Gestalistamenn sem verða valdir hafa viku til þess að samþykkja boðið og aðra viku til þess að greiða staðfestingagjald. Lesa meira.

Instagram

Tvær sýningar opnaðar á laugardaginn

Laugardaginn 17. maí kl. 15 verða sýningar Heimis Hlöðverssonar, Samlífi, og Þóru Sigurðardóttur, Tími – Rými – Efni, opnaðar í Listasafninu á Akureyri. Á opnunardegi verður leiðsögn með Heimi kl. 15.45.
Listasafnið óskar eftir listmunum

Listasafnið á Akureyri opnar yfirlitssýningu á verkum Margrétar Jónsdóttur, leirlistakonu, þann 5. júní næstkomandi, en hún fagnar 40 ára starfsafmæli um þessar mundir. Á sýningunni verða sýndir fjölbreyttir listmunir frá ferli Margrétar og óskar Listasafnið eftir samstarfi við almenning um lán á einstaka munum. Þeir mega vera af öllum stærðum og gerðum, jafnvel slitnir og skörðóttir af langri notkun ef svo ber undir. Munirnir verða settir saman í eina innsetningu og er ætlað að spanna tímabilið frá upphafi ferilsins til dagsins í dag.
Listasafnið opið á alþjóðlegum baráttudegi verkafólks

Listasafnið á Akureyri er opið á alþjóðlegum baráttudegi verkafólks, 1. maí, á hefðbundnum tíma kl. 12-17. Þá gefst gestum kostur á að sjá samtals sjö sýningar í níu sölum.