Áfram lesið úr Blíðfinni

Sunnudaginn 27. september kl. 15 heldur Marta Nordal, leikhússtjóri Leikfélags Akureyrar, áfram upplestri úr barnabók Þorvaldar Þorsteinssonar, Ég heiti Blíðfinnur en þú mátt kalla mig Bóbó, á Kaffi og list í anddyri Listasafnsins.

Áður en lesturinn hefst mun hún rifja upp þá kafla sem lesnir voru síðustu vikur. Upplestri bókarinnar lýkur sunnudaginn 4. október næstkomandi. Enginn aðgangseyrir.