Fjölskylduleiðsögn á sunnudaginn

Sunnudaginn 24. mars kl. 11-12 verður fjölskylduleiðsögn í Listasafninu á Akureyri. Heiða Björk Vilhjálmsdóttir, fræðslufulltrúi, segir börnum og fullorðnum frá Sköpun bernskunnar 2019, samsýningu skólabarna og listamanna. Að lokinni leiðsögn er gestum boðið að búa til sitt eigið listaverk, innblásið af verkum listamannanna. Norðurorka styrkir fræðslustarf Listasafnsins. Aðgangur ókeypis.