Fjölskylduleiðsögn á sunnudaginn

Valtýr Pétursson, án titils, 1957.

Sunnudaginn 21. maí kl. 11-12 mun Heiða Björk Vilhjálmsdóttir, fræðslufulltrúi, segja börnum og fullorðnum frá sýningunni Stofn, þar sem sjá má valin verk úr safneign Listasafns Háskóla Íslands. Að lokinni leiðsögn er gestum boðið að búa til sitt eigið listaverk, innblásið af verkum sýningarinnar.

Aðgangur er ókeypis í boði Norðurorku sem styrkir sérstaklega safnkennslu og fræðslu fyrir börn og fullorðna í Listasafninu.