Leiðsögn og sýningalok

Fimmtudaginn 26. janúar kl. 12.15-12.45 verður boðið upp á síðustu leiðsögnina um sýningar Ásdísar Sifjar Gunnarsdóttur, Sýn í þokunni, og Joan Jonas, Eldur og saga, 1985. Sýningunum lýkur næstkomandi sunnudag, 29. janúar, en í febrúar hefjast framkvæmdir við húsnæði Listasafnsins sem verður opnað að nýju vorið 2018 eftir stórfelldar endurbætur og stækkun. Hlynur Hallsson, safnstjóri, tekur á móti gestum og fræðir þá um sýningarnar. Aðgangur er ókeypis.