Listasafninu barst góð gjöf

Valtýr Pétursson: Kompósisjón frá 1955.

Á dögunum barst Listasafninu þrjú málverk eftir Valtý Pétursson (1919−1988) að gjöf. Í erfðaskrá Herdísar Vigfúsdóttur, ekkju Valtýs, óskar hún þess að þau listaverk sem hann lét eftir sig verði gefin til safna. Söfnin sem tóku við gjöfinni eru Listasafn Íslands, Listasafn Reykjavíkur, Gerðarsafn, Listasafn Árnesinga, Hafnarborg, Listasafn Háskóla Íslands og Listasafnið á Akureyri. Einnig voru verk gefin til Grenivíkur sem er fæðingarstaður Valtýs. Listaverkin eru á annað þúsund talsins og frá öllum tímabilum á ferli listamannsins.

Valtýr Pétursson var brautryðjandi abstraktlistar hér á landi og afkastamikill listmálari. Hann var einnig mikilvirkur gagnrýnandi og virkur þátttakandi í félagsstarfi listamanna.

Listasafnið þakkar kærlega fyrir gjöfina.