Örn Ingi hlýtur heiðursviðurkenningu Menningarsjóðs Akureyrar

Örn Ingi Gíslason. Mynd: Ragnar Th.

Stjórn Akureyrarstofu hefur ákveðið að veita Erni Inga Gíslasyni, fjöllistamanni, heiðursviðurkenningu Menningarsjóðs Akureyrar.

Afhendingin fer fram í Listasafninu á Akureyri, Ketilhúsi laugardaginn 2. september kl. 14.00 og er fyrsti viðburður dagsins á A! Gjörningahátíð.

Matthías Rögnvaldsson, forseti bæjarstjórnar Akureyrar, mun afhenda viðurkenninguna og að því loknu verður gestum boðið að þiggja léttar veitingar áður en dagskrá gjörningahátíðarinnar heldur áfram í Samkomuhúsinu kl. 15.00. 

Allir hjartanlega velkomnir.