Fjölskylduleiðsögn á sunnudaginn

Ásgrímur Jónsson, Landslag, 1948-1950.

Sunnudaginn 30. október kl. 11-12 verður boðið upp á fjölskylduleiðsögn í Listasafninu. Heiða Björk Vilhjálmsdóttir, fræðslufulltrúi, segir börnum og fullorðnum frá sýningunni Gjöfin til íslenzkrar alþýðu sem samanstendur af völdum verkum úr Listasafni ASÍ.

Að lokinni leiðsögn er gestum boðið að búa til sitt eigið listaverk, innblásið af verkum sýningarinnar. Aðgangur er ókeypis í boði Norðurorku sem styrkir fræðslustarf Listasafnsins.