Opin listsmiðja á laugardaginn

Laugardaginn 15. apríl kl. 12-16, verður boðið upp á opna listsmiðju í Listasafninu. Alls konar efniviður verður á staðnum og öll velkomin. Tilvalið tækifæri til að skapa sitt eigið listaverk og njóta samverunnar. Verkefnastjóri er Heiða Björk Vilhjálmsdóttir, fræðslufulltrúi.

Enginn aðgangseyrir fyrir þátttakendur smiðjunnar og frítt er inn fyrir fullorðna í fylgd með börnum. Verkefnið er hluti af Barnamenningarhátíð á Akureyri. Fleiri spennandi viðburði má finna á www.barnamenning.is.