Fréttasafn

Afrakstur Látum vaða! má nú sjá í fræðslurýminu

Afrakstur Látum vaða! má nú sjá í fræðslurýminu

Afrakstur seinni listsmiðjunnar í verkefninu Látum vaða!, sem fór fram í Listasafninu 30. september síðastliðinn, er nú til sýnis í safnfræðslurýminu. Smiðjan tengist sýningunni Einfaldlega einlægt þar sem sýnd eru málverk listakonunnar Katrínar Jósepsdóttur, sem oftast var kölluð Kata saumakona. Málverk Kötu eru einlæg og gefa sig ekki út fyrir að vera neitt annað en þau eru. Listakonan „lét vaða“ á eigin forsendum og verkin eru því mikilvæg hvatning fyrir bæði börn og fullorðna. Allir geta skapað og útkoman getur komið á óvart.
Lesa meira
Opnun á föstudagskvöldi

Opnun á föstudagskvöldi

Föstudagskvöldið 6. október kl. 20-22 verður opnuð sýning brasilísku myndlistarmannanna Tales Frey og Hilda de Paulo, Leiðnivír. Sýningin er hluti af A! Gjörningahátíð sem stendur yfir dagana 5.-8. október.
Lesa meira
Dísa Thors.

Þriðjudagsfyrirlestur: Dísa Thors

Þriðjudaginn 3. október kl. 17-17.40 heldur Dísa Thors, húðflúrari og teiknari, fyrsta Þriðjudagsfyrirlestur haustsins undir yfirskriftinni Húðflúrun. Þar mun hún fjalla um húðflúrun í máli og myndum og tala m.a. um uppruna húðflúrunnar og mismundandi stíla og aðferðir.
Lesa meira
Rodrigo Lopes.

Tólf tóna kortérið hefur göngu sína að nýju

Laugardaginn 30. september kl. 15-15.15 og 16-16.15 mun Tólf tóna kortérið hefja göngu sína að nýju. Þá flytur trommuleikarinn Rodrigo Lopes frumsamin lög undir yfirskriftinni Hljóð náttúrunnar. Tónleikarnir fara fram í sal 04 og er aðgangur ókeypis.
Lesa meira
Fjölskylduleiðsögn á sunnudaginn

Fjölskylduleiðsögn á sunnudaginn

Sunnudaginn 24. september kl. 11-12 mun Heiða Björk Vilhjálmsdóttir, fræðslufulltrúi, segja börnum og fullorðnum frá sýningunum Hringfarar og Að vera vera. Að lokinni leiðsögn er gestum boðið að búa til sitt eigið listaverk, innblásið af verkum listamannanna.
Lesa meira
Dustin Harvey - Alone Together

A! Gjörningahátíð fer fram 5.-8. október

A! Gjörningahátíð fer fram á Akureyri 5.-8. október næstkomandi. A! er fjögurra daga alþjóðleg gjörningahátíð sem haldin er árlega og nú í níunda sinn. Ókeypis er inn á alla viðburði.
Lesa meira
Frá fyrri smiðjunni.

Látum aftur vaða!

Skráning í seinni listsmiðju Listasafnsins undir yfirskriftinni Látum vaða! stendur nú yfir. Smiðjan verður haldin 30. september kl. 13 undir handleiðslu Egils Loga Jónassonar myndlistarmanns. Að þessu sinni fá börn og fullorðnir tækifæri til að skapa sitt eigið verk út frá tveimur ólíkum póstkortum og mála þau svo saman í eina mynd. Að því loknu fer myndin í ramma sem þátttakendur skreyta sjálfir. Egill Logi nam myndlist við Listaháskóla Íslands og vinnur í ýmsa miðla. Hann er einn af aðstandendum listahópsins Kaktus.
Lesa meira
Ragnar Kjartansson, The Visitors, 2012.

Gestirnir kveðja og listamannaspjall

Framundan er síðasta sýningarvika á verki Ragnars Kjartanssonar, The Visitors, sem lýkur sunnudaginn 17. september í Listasafninu á Akureyri. Sýningin hefur staðið síðan 4. febrúar síðastliðinn og var sett upp í tilefni af 30 ára afmæli Listasafnsins. Á síðasta sýningardegi kl. 14 mun Hlynur Hallsson, safnstjóri, eiga listamannaspjall við Davíð Þór Jónsson, píanóleikara og annan tónlistarhöfund verksins. The Visitors hefur farið sigurför um helstu listasöfn heims og einungis einu sinni áður verið sýnt á Íslandi, í Kling og Bang 2013. The Guardian valdi verkið besta listaverk 21. aldarinnar eftir að það var fyrst sett upp í Migrossafninu í Zürich 2012.
Lesa meira
Afrakstur Látum vaða! má nú sjá í fræðslurýminu

Afrakstur Látum vaða! má nú sjá í fræðslurýminu

Afrakstur listsmiðjunnar Látum vaða! sem fram fór í Listasafninu þann 2. september er nú til sýnis í safnfræðslurými safnsins. Smiðjan tengist sýningunni Einfaldlega einlægt þar sem sýnd eru málverk listakonunnar Katrínar Jósepsdóttur, sem oftast var kölluð Kata saumakona. Málverk Kötu eru einlæg og gefa sig ekki út fyrir að vera neitt annað en þau eru. Listakonan „lét vaða“ á eigin forsendum og eru verkin því sem mikilvæg hvatning fyrir bæði börn og fullorðna. Allir geta skapað og útkoman getur komið á óvart.
Lesa meira
Einar Helgason, Hrísey og Tröllaskagi, 1998.

Opnun á Heilsuvernd hjúkrunarheimili, Hlíð

Föstudaginn 8. september kl. 14 opnar Listasafnið á Akureyri sýninguna Hér og þar II á Heilsuvernd hjúkrunarheimili, Hlíð. Listasafnið og Heilsuvernd vinna saman að því að fræða og gleðja íbúa, starfsfólk og gesti Hlíðar með tveimur myndlistarsýningum í ár og leiðsögn þeim tengdum. Sú fyrri var opnuð 10. febrúar og stóð til 4. júní, en þar mátti sjá verk eftir Jón Laxdal, Roj Friberg og Þorvald Þorsteinsson. Að þessu sinni verða sýnd verk eftir listamennina Einar Helgason, Guðmund Ármann Sigurjónsson, Lilý Erlu Adamsdóttur og Tryggva Ólafsson. Öll hafa þau unnið með náttúru og mannlíf á einn eða annan hátt í verkum sínum.
Lesa meira