Fréttasafn

Mathias Spoerry og Steinunn Arnbjörg Stefánsdóttir

Tólf tóna kortérið: Miðaldagrúsk og selló

Laugardaginn 15. apríl kl. 15.00-15.15 og kl. 16.00-16.15 verður Tólf tóna kortérið á dagskrá í Listasafninu. Þá munu þau Mathias Spoerry, söngvari og miðaldagrúskari, og Steinunn Arnbjörg Stefánsdóttir, sellóleikari, frumflytja tvö ný verk: Prologue fyrir selló eftir Wes Stephens, slagverksleikara á Egilsstöðum, og La Vieillesse, militant tónsmíð um ellina eftir flytjendurna sjálfa við texta Simone de Beauvoir. Að auki verða flutt tvö frönsk miðaldatónverk eftir G. de Machaut og Notre Dame skólann.
Lesa meira
Ragnar Kjartansson, The Visitors, 2012.

Gleðilega páska!

Listasafnið verður að venju opið alla páskana kl. 12-17. Hægt er að skoða 8 mismunandi sýningar í sölum safnsins.
Lesa meira
Auður Lóa Guðnadóttir, Til hamingju, 2022.

Verk eftir 23 myndlistarmenn valin á sýninguna Afmæli

Í janúar síðastliðnum auglýsti Listasafnið á Akureyri eftir umsóknum um þátttöku í samsýningu norðlenskra myndlistarmanna, Afmæli, sem mun standa yfir 2. júní - 24. september næstkomandi. Alls bárust umsóknir frá 44 listamönnum og yfir 100 verk, en forsenda umsóknar var að listamenn búi og/eða starfi á Norðurlandi eða hafi tengingu við svæðið. Listasafnið þakkar fyrir allar innsendar umsóknir. Sýningunni er ætlað að gefa innsýn í líflega flóru myndlistar á Akureyri og Norðurlandi. Að þessu sinni var valið sérstakt þema fyrir sýninguna, Afmæli, í tilefni af 30 ára afmæli Listasafnsins í ágúst.
Lesa meira
Jónína Björg og þátttakendur sýningarinnar.

Sýning í tilefni Barnamenningarhátíðar

Í byrjun mars var þriggja og fjögurra ára börnum í Z-hópi Bláa- og Rauðakjarna á leikskólanum Hólmasól boðið að koma í listsmiðju í Listasafninu og vinna verk undir handleiðslu Jónínu Bjargar Helgadóttur, myndlistarkonu. Unnið var með hugmyndir um vötn og það sem í þeim býr. Afraksturinn má sjá á sýningu sem opnuð var í dag í fræðslurými Listasafnsins. Sýningin stendur til 30. apríl næstkomandi.
Lesa meira
Andrea Weber.

Gestalistakonur sýna verk sín um helgina

Laugardaginn 25. mars kl. 12-15 verður myndlistarkonan Andrea Weber með opna gestavinnustofu Listasafnsins. Þar hefur hún dvalið undanfarna tvo mánuði og sýnir afraksturinn undir yfirskriftinni Secret Chrystallization. Samhliða því að daginn tók að lengja kafaði Weber í sköpunarferlið og skapaði abstraktmálverk þar sem snjór og blek voru efniviðir sem minna á skýin í heiðhvolfinu, sólarlagið og önnur náttúrfyrirbæri. Einnig bíður hún gestum að í einkabankann sinn þar sem í boði er Skýja-mynt. Gengið er inn úr porti bakvið Listasafnið.
Lesa meira
Fjölskylduleiðsögn á sunnudaginn

Fjölskylduleiðsögn á sunnudaginn

Sunnudaginn 26. mars kl. 11-12 mun Heiða Björk Vilhjálmsdóttir, fræðslufulltrúi, segja börnum og fullorðnum frá sýningunni Sköpun bernskunnar 2023. Að lokinni leiðsögn er gestum boðið að búa til sitt eigið listaverk, innblásið af verkum listamannanna.
Lesa meira
Sara Björg Bjarnadóttir.

Tvær opnanir á laugardaginn

Laugardaginn 25. mars kl. 15 verða tvær sýningar opnaðar í Listasafninu á Akureyri, annars vegar sýning Söru Bjargar Bjarnadóttur, Tvær eilífðir milli 1 og 3, og hins vegar sýning Guðjóns Gísla Kristinssonar, Nýtt af nálinni, sem er hluti af listahátíðinni List án landamæra.
Lesa meira
Stefán Þór Sæmundsson.

Þriðjudagsfyrirlestur: Stefán Þór Sæmundsson

Þriðjudaginn 21. mars kl. 17-17.40 heldur Stefán Þór Sæmundsson, rithöfundur og íslenskukennari, Þriðjudagsfyrirlestur í Listasafninu á Akureyri undir yfirskriftinni Tungumál og tákn. Aðgangur er ókeypis.
Lesa meira
Ludvig Kári Forberg.

Tólf tóna kortérið hefur göngu sína að nýju

Laugardaginn 18. mars kl. 15.00-15.15 og kl. 16.00-16.15 hefst Tólf tóna kortérið á nýjan leik, en þá mun Ludvig Kári Forberg, víbrafónleikari, stíga á stokk undir yfirskriftinni Rákir experimental. Þar mun hann gera tóntilraunir á víbrafón með eigin tónsmíðar, sem komu út á plötunni Rákir síðla árs 2021. Einnig mun hann frumflytja nýtt efni. Aðgangur er ókeypis.
Lesa meira
Hlynur Hallsson og Guðni Th. Jóhannesson, forseti.

Forseti Íslands í heimsókn

Guðni Th. Jóhannesson, forseti Íslands, kom í heimsókn í Listasafnið í dag. Þar hitti hann starfsfólk safnsins og skoðaði sýningarnar. Hlynur Hallsson, safnstjóri, gekk með Guðna í gegnum safnið og sagði frá 30 ára sögu þess og yfirstandandi sýningum. Takk fyrir komuna Guðni.
Lesa meira